由舊年11月等到今年3月嘅「香春運」去唔成，好啦，唔返香港咁唯有改去意大利搵奶奶啦。
然後等到3月......
意大利累計確診：3858人
包括死亡個案：148人
包括治癒的：414人
好一對天造地設嘅肺炎高危國籍情侶，依家連意大利都返唔成。有家歸不得，一下子，兩公婆頓然覺得流離失所，有點唏噓。
平日奶奶就鍾意喺柴房食午飯，飯後睇埋意大利版《真情》，就攞部電話出嚟，望吓孫女啲相，又望吓返極都返唔到屋企嘅阿仔啲相。笑吓，又皺吓眉頭咁，輕彈霜白的髪根，用指尖觸摸著屏幕，彷彿要勾畫出阿仔嘅身軀嚟擁抱佢。然而，熟悉的氣味，遙遙無期都聞不到。
越離開，越想念。
越不見，越想見。
如果一個4吋芒能解思鄉之愁，意佬就唔洗牽腸掛肚，日日望住啲確診數字發呆，問幾時可以返屋企，幾時再可以見到佢阿媽。我都好想返去探我家兩寶，又點會唔明佢依家嘅心情？😥
我們這一家，散落亞洲、非洲同歐洲，真係原來唔係有得搭個飛機就解決到一切。希望一切好快可以過去。
#意大利都淪陷了
#亞洲新抱
#被困非洲
#又返唔到歐洲
#武肺你究竟幾時走
#母子情
Search